Home / هەواڵەکان / عێراق / کەرکوک: سەرکردەیەکی باڵای قاعیدە دەستگیرکرا
کەرکوک: سەرکردەیەکی باڵای قاعیدە دەستگیرکرا

کەرکوک: سەرکردەیەکی باڵای قاعیدە دەستگیرکرا

image_pdfimage_print

لە هەڵمەتێکی گەڕان و پشکنینیشدا لە هەردوو گەڕەکی نصر و عروبەی شاری کەرکوک 24 کەسی داواکراو و گومانلێکراو دەستگیردەکرێن.

عەمید خطاب عومەر فەرماندەی پۆلیسی ئامادەی کەرکوک رایگەیاند: ئەمڕۆ 19-8 لە هەڵمەتێکدا  لە هەردوو گەڕەکی نصر و عروبە ی شاری کەرکوک، 24 داواکراو و گومانلێکراویان دەستگیرکردووە.
عەمیدخطاب وتیشی: زۆربەی دەستگیرکراوەکان بەبێ پرس و رەزامەندی ئیدارەی شارەکە لە پارێزگاکانی ناوەڕاست و خوارووی عیراقەوە روویان لە شارەکە کردووە.
ئەو هەڵمەتە رۆژێک دوای بڕیارەکەی لیژنەی ئەمنی کەرکوک دێت، کە تێیدا بڕیاردراوە هەر کەسێک بەناوی کۆچبەرەوە روو لە شاری کەرکوک بکات و رەزامەندی ئیدارەی شارەکەی لەسەر نەبێت، دەستگیر دەکرێت و رەوانەی ئەو ناوچەیە دەکرێتەوە کە لێوەی هاتووە.
لەلایەکی ترەوە سەرچاوەیەک لە هێزەکانی ئاسایشی کەرکوک پێی راگەیاندین: لە دوو هەڵمەتی گەڕان و پشکنینی هێزەکانیان لە گەڕەکەکانی (واستی) و (حوزیران) ی شاری کەرکوک 4 تیرۆریستیان  دەستگیرکردەوە، کە بە پێی مادەی (4) ی تیرۆر داواکراون، یەکێک لەو (4) تیرۆریستە سەرکردەیەکی باڵای رێکخراوی تیرۆریستی (القاعدە) یە بەناوی (ماهیر یاسین غەدیر الزاوی)، کە خەڵکی شاری (رومادی) یەو والی رێکخراوی (القاعدە) یە لە پارێزگای (تکریت).
سەرچاوەکە وتیشی: ناوبراو بەرپرسە لە هێنانی تیرۆریستە خۆکوژەکان بۆ پارێزگاکانی (کەرکوک، موسڵ، تکریت)، دەستیشی هەیە لە ئەنجامدانی دەیان کردەوەی تیرۆریستی جۆراوجۆر.
Share Button

About یوسف عمر

Leave a Reply

Your email address will not be published. Required fields are marked *

*

دەتوانی ئەو تاگ و خەسڵەتانە HTML بەکاربێنیت: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top